Reshjet e mëdha të shiut kanë paraqitur vështirësi në kalimin e veturave në zonën e rrugës Komoran-Drenas, saktësisht në fshatin Zabel të Ulët.

Komuna e Drenasit njofton se në vendin e ngjarjes kanë dal zjarrfikësit.

“Pas reshjeve të dendura të shiut në disa zona të Komunës së Drenasit janë paraqitur vështirësi në kalimin e lirë të veturave. Kjo ka ndodhur sidomos në zonën e rrugës Komoran – Drenas, saktësisht në fshatin Zabel të Ulët. Ekipi i zjarrfikësve të Komunës së Drenasit kanë dalur në vendin e ngjarjes, të cilët me pajisjet dhe ekspertizën e tyre ishin në dispozicion të banorëve të prekur nga këto vërshime”, thuhet në njoftim.

“Këto informacione janë dhënë nga Drejtoria për Shërbime Publike dhe Emergjencë në Komunën e Drenasit, drejtori i së cilës, Nexhmedin Gruda, gjendet në terren ku po kryhen intervenimet e nevojshme nga ekipet e zjarrfikësve. Siç bëhet e ditur vetëm në fshatin Zabel i Ulët janë duke u bërë tri intervenime” njofton komuna e Drenasit.

Drejtoria për Shërbime Publike dhe Emergjencë është duke përcjell me vëmendje situatën e krijuar në gjithë territorin e Komunës së Drenasit dhe aty ku është e nevojshme do të ndërhyjnë me gjitha kapacitetet që ka në dispozicion./Arbresh.info/